http://bameagahi
http://bameagahi
آموزشگاه موسیقی آراز در تبریز

توضیحات آگهی

مدیریت : وحید نیک مندان

موبایل : 09055177199

تلفن : 041 – 34445145

آدرس : تبریز – خیابان آزادی – نرسیده به نصفه راه – جنب کوی شبنم – پ. 26 – طبقه

فعالیت : آموزش انواع ساز ، تار آذری ، سنتور ، کمانچه ، پیانو ، گیتار ، کلاسیک ، گیتار برقی ، قانون ، ویالون ، آواز ، سولفؤ ، موسیقی کودک آرف ، ارگ ، فلوت ، تنبک ، دف ، قارمان و …

https://www.instagram.com/arazmusicacademy

https://t.me/Arazmusicacademy

موبریقه و خاوراندان سونرا راستین نؤوبتی حیصه لری ، اونون زیل شؤعبه لری : عیراق ، پنجگاه و راک دیر. بو گون راستین بیر شؤعبه سی اولان عیراق ، واخت ایله قدیم 12 موغامدان بیری سی اولموشدور. عیراق یا عراق سؤزو جور به جور آنلاملار داشیییر. او جومله دن آسیانین غربینده یئرلشن عیراق مملکتی نین آدی اولوبدور. واخت ایله ایکی عیراق – عیراق عجم و عیراق عرب مملکتلری– مؤوجود اولموشدور. عیراق یا ایراق تورک دیللرینده او جومله دن آذربایجان تورکجه سینده اوزاق دئمکدیر. میثال : «جاندان ایراق» تعبیرینده اوزاق آنلامیندا ایشلنمیشدیر. عیراقین باشقا آنلامی عربجه تار دئمکدیر.
عیراق شؤعبه سی جوشقونلوق ، مردلیک ، ایگیدلیک احوال و روحیه سینی داشییر. ایفاچی عیراقین ایفاسینا باشلادیقدا آواز یا داها دقیقلش سه ک بوغاز و زنگوله لر له باشلامالی دیر. ایفاچی بوندان سونرا موسیقی نی سؤز ایله داوام ائتدیریر. عیراق شؤعبه سی نین راست موغامیندا اؤنملی یئری اولدوغو ایله برابر باشقا موغاملاردا او جومله دن ماهور هیندی و راهابدا دا ایفا اولونور.
#پنجگاه (Pəncgah) : پنجگاه ان قدیم دؤورلردن بوگونه قدر راست موغامی نین بیر شؤعبه سی اولموش ، ائله بونا گؤره ده بعضی خالقلارین موسیقی سینده راست موغامی ، راست پنجگاه آدلانیر. پنجگاه ایکی سؤزدن پنج ؛ فارسجا بئش و گاه ( یئر و مکان) دان عمله گلن سؤزجوکدور. بوتؤولوکده پنجگاه ؛ بئشینجی یئر یا مؤوقع دئمکدیر. بونلارا باخمایاراق بو مفهومون بو شؤعبه ایله هئچ ایلگی سی اولمامیش و اونون یالنیز آدی پنجگاه (بئشینجی مؤوقع) دیر. بعضی لری نین فیکریجه بو بئشینجی یئر ایفاده سی پنجگاهین راستدا بئشینجی شؤعبه اولدوغونو یئتیریر. حال بوکی بوندان اؤنجه ایشاره اولوندوغو کیمی پنجگاه ان قدیم چاغلاردان موبریقه ایله بیرلیکده راستین بیر شؤعبه سی اولموشدور. بورادا بیر سورغویا راست گلیریک ، راست موغامی نین قدیم دؤورلرده وور – توت ایکی شؤعبه (پنجگاه و موبریقه)یه مالیک اولدوغو زماندا ، پنجگاه نئجه بئشینجی یئری توتمالی دیر ؟
پنجگاه دا راستین زیل شؤعبه لریندن بیری سی دیر آنجاق عیراق لا قیاس اولوندوقدا ، پنجگاه اولدوقجا حوزونلو و کؤورَک احوال و روحیه ایله سجیه له نیر. پنجگاهین مئلودی سی راست-ین تملی/ مایه سی ، عوشاق و حسینی شؤعبه لر و گوشه لرینه بنزه ییر سه ده ، آنجاق پنجگاه بونلارین عکسینه اولاراق ، زیلده ایفا اولونور.
آردی وار …

گزارش مشکل آگهی